بكالوريا… بالله بكالوريا؟

“روح دروس”, “ليش ما عم تدرس”, “شو درست اليوم”, “قوم عميل شي يفيدك… دروس!” و الكثير غير ذلك… هذا ما لن تجد سواه يدور في رأسك, فعندما تكون طالب بكالوريا (الصف الثالث الثانوي) سيتوجب عليك الدراسة في الصباح و الدراسة في المساء, قبل الطعام و بعده, في المنزل و خارج المنزل… سيكون عليك أن تتنفس الكتب!

أما عن السبب… فـ”هاد مستقبلك” و “هي السنة بتحدد إذا حتطلع دكتور أو زبال”… و المزيد من الأسباب التي لا نهاية لها, لكن هل يستحق الأمر كل هذا؟ هل تستحق هذه السنة أن تعيشها في جحيم تتمنى الخلاص منه؟

يعني مافي مبالغة؟  حسب البرنامج الموزع 6 ساعات من الدراسة كل يوم, بالإضافة إلى 5 ساعات تقضيها في المدرسة… و 12 ساعة دراسة في أيام العطل… و لن تجد في النهاية إلا ساعة أو ساعتين في اليوم لترفه عن نفسك.
و لماذا 6 ساعات؟ إذا كان اليوم 6 حصص مدة كل منها 45 دقيقة فهنالك ساعة دراسة لكل حصة, و من المفروض من ساعات الدراسة بعد المدرسة أن تكون بمثابة مراجعة. هل تحتاج إلى ساعة كاملة لمراجعة ما أخذته في 45 دقيقة؟ أليست هذه مبالغة في عدد الساعات!؟ أم أن دور المدرسة كدور ساعات الدراسة الأخرى و بالتالي متل قلتا.

و المدرسون, كل منهم يغني على ليلاه, فمدرس الجبر يقول “يجب على كل المدرسين أن يتفاعلوا مع الطلاب, و يحببوهم بأنفسهم, حتى تصبح الحصة نشيطة لا يمل أحد منها و لا يشرد فيها”, و حين التنفيذ… يمكنك نسيان الموضوع.
أما عن مدرس الهندسة التحليلية, فيقول: “أنا سأحاول التفاهم مع الطلاب و جعلهم يحبونني, هذه السنة سأحاول فعل هذا و لأول مرة, لكن لمعلوماتكم… إذا حبيتوني و إذا ما حبيتوني نشالله عمركن مو فارقة معي”… هل فعلاً يحاول؟؟ لا أظن ذلك.

و استاذ الفراغية…

الفهم بالبكالوريا متل قلتوا, و لازم الواحد ما يضيع وقتو بالفهم… اللي بيفهم بالبكالوريا بيكون حمار, لا يجيني بكرا واحد يقلي أنا فهمان الدرس ما بدي احفظو بصم… لازم الطالب بالبكلوريا يحط الفهم تحت صرمايتو و يدعس عليه, هاد ما في منو فائدة.

يعني كلامو مزبوط 100% و أبداً مافي مبالغة, خصوصاً انو مادة رياضيات!!!

أما عن اللغة العربية, و في موضوع التعبير… فيقوم المدرس بإعطاء سؤال التعبير, ثم تقسيمه إلى أفكار و كتابة شاهد كل منها, ثم شرح كل شاهد, ثم كتابة المقدمة و ربط الأفكار و الشواهد ببعضها و كتابة الخاتمة, لتحصل على الموضوع كاملاً و يطلب منك حفظه بصم, و حين سؤاله “أين التعبير؟” يقول: “يمكن للطالب التعبير بحرية في ربط الشواهد ببعضها…” هههههه! يعني بالله تعبير؟!

بعدين الكتاب, يعني والله صفيان متل قلتوا, كل استاذ بيكتبك دفتر طويل عريض 5 أجزاء و بيقلك هاد ما بتحتاج غيرو لدراسة الفحص الأخير, ولا كل واحد شاطر يتذاكى و يطلعلك أخطاء من الكتاب إلها أول مالها آخر… شو مشان أسئلة الفحص كلها جاية من الكتاب مثلاً؟ بالله من الكتاب؟

قد تظن بعد كل هذا الحديث أن المدرسة حريصة كل الحرص على حصول جميع الطلاب على العلامات العالية إن لم تكن التامة, لكن تعال إلى أرض الواقع, 15 دقيقة هو الوقت الفعلي للحصة, لأن كل مدرس يجد في الحصص فرصة لإلقاء محاضرات عن مغامراته التي لا تنتهي في فرنسا و اسبانيا  و اليونان, و تجربة حياته المليئة بالعبر و الحكم في دول الخليج و غيرها, مسكين الزلمة مظلوم لأنو مو مألفين كتاب عن قصة حياتوا!

أحد أهم و آخر جوانب التعاسة في البكالوريا, الأهل, فما أن تنتهي من امتحانات الصف الحادي عشر حتى يبدأوا “بالنق” عليك حتى تدرس! لكن تفاءل فلم ترى شيئاً بعد… ففي أول يوم من المدرسة ستنقلب معاملتهم لك إلى درجة أنك لن تتعرف عليهم! إن أردت الخروج من المنزل فعليك تقديم طلب قبل 3 أيام و انتظار الموافقة التي فد لا تأتي أبداً, و إذا توقفت عن وضع رأسك بين الكتب فعليك المرور بتحقيق عن سبب توقفك.
إذا كنت طالب بكالوريا, فابتسم…. ستجد من يقول لك “لماذا تبتسم بدلاً من الدراسة؟”, أما إذا لم تكن بعد, فعش حياتك و امرح,  و اعلم أنك ستنسى معنى المرح تماماً و لن تقول غير “هففففففففففففف!”

Advertisements

19 thoughts on “بكالوريا… بالله بكالوريا؟”

  1. عن انو بكلوريا عم تحكي,والله صارت من سابع المستحيلات انا حاسس خصوصي المساكين يللي رح يقدموا عالمنهاج الجديد يعني ما حدا بيقدر يحزر عليهم
    البكلوريا السورية مو مقبولة وعالرغم من اني شاطر وجبت مجموع ممتاز بالتاسع بس هلأ عم تراودني افكار اني ما رح جمع شي السنة القادمة!
    حديث تبع الفراغية في شي مزبوط يمكن قصدو انو اذا الواحد ما كان فهمان بالحادي عشر ما رح يفهم بالبكلوريا
    بعدين لسا بتسمي تعبير,انا نسيت شي اسمو تعبير بعد التاسع كللو شوية شواهد وافكار من اضواء عالنص وشرح من القصيدة بيطلع معك موضوع ادبي علا اساس, كتر خيرو اذا عم يعطيك موضوع جاهز احسن ما تعل قلبك ساعتين وما يطلع معك شي
    بالنسبة للدفاتر ,يعني والله كتبنا مو كتب هي بلوكات غير قابلة للدراسة نهائيا برأيي يعني عم اتخيل حالي عم ادرس فيزيا من كتاب عمرو 25 سنة بالاسود ولي!
    حاجة لهون مو؟

  2. انت معك حق علي حسب حكي الناس
    انا لا سعاتي في الصف عاشر عامة وها كمل علمي ان شاء الله
    علي علم انوا منهاجي جديد والله احسن من هيك وكل املي انوا كل الحكي يتغير علي ايد المنهاج الجديد
    ومتل ما قلت
    “أما إذا لم تكن بعد, فعش حياتك و امرح,  و اعلم أنك ستنسى معنى المرح تماماً و لن تقول غير “هففففففففففففف!””

  3. والله يا لؤي كان الوضع عندي بالمدرسة غير شكل…
    يعني كنت حسّ أنّو وقتي بالمدرسة كان عم يضيع بدل ما أستفيد.
    ما بقدر أنكر إنو كان أستاذنا الرياضيات ممتاز، وبعكس هذا صاحبك يلي عم يقول إنو الرياضيات حفظ بصم، بس كمان معظم الأساتذة خالصين. يعني من العلوم للفيزياء والكيمياء للديانة.
    مرّة هربنا من حصة الديانة قام عاقبونا بعدم الحضور 4 حصص هامّة وتعهّد… إلخ. يعني بس دخلت ع المدرسة ما في طلعة لآخر الدّوام بس يلي بغيب كلّ السّنة عادي عادي لأنّه هدول بدون يبيّضو وجه المديرة.
    وبالأخير بقلك انسَ العالم واشتغل لوحدك و عَ كيفك وأهمّ شي ما تشعر بالضّغط والخوف.

    1. ليش شو المشكلة كلها بالأساس؟ عم ندرس بكالوريا و عم ندرس ليش لحتى ما نستفاد؟ يعني لازم نحفظ بصم و بعدين ننسى كلشي؟ خلي الهدف يكون انو نستفاد أحسن من انو بس مشان نجمع علامات!

  4. والله اجمل شىء فى الدنيا العلم والتعليم لكن التعليم التعليم مش مجرد انو يبقى اسمى متعلم والسلام او انى حاصل على شهادة مثلما يظن الكثيييييييييير من الشباب
    ولك الشكر على هذه التدوينة الرائعة ونتمنى منك المزيد من الروائع

  5. ياجماعة انا ماني فهمان شي بالعربي … كيف بيحطوا الاسئلة هي مابعرف ((( طبعا بقصد غير اسئلة الفواعد والشرح والاعراب))) يعني في اسئلة مابعرف شلون بتتجاوب عليها وبالكتاب مو حاطين فيو شي والاستاذ ماعم يعطي متل الاسئلة الامتحانية

  6. افضل طريقة لكي تنجح وخصوصا ادا كنت غير مغرم بالدراسة هي ان تنجح ليس بدافع النجاح بل بدافع الضد يعني الاساتدة لا يريدوننك ان تنجح فانت عاكسهم واسكتهم

  7. @_@ يا ربي والله البكلوريا عنجد بتجيب مرض نفسي انشا الله تعدي هل سنة على خير

  8. ما رأيك بعد ان درست وجاء يوم الامتحان
    وتتفاجء ان الامتحان عباره عن جزئين
    الاول 50 سؤال إختيارى “Mcq” وال 50 سؤال كل الاجابات صح وانتا تختار الأصح ..
    والجزء الثانى عباره عن سؤالين مقالى “dash” وإجابتهم عباره عن الكتاب كله …………………………..
    ……………….

    ما هو رد فعلك فهذا ما حدث مع دفعتى هذا الترم 😦

  9. “حطيت الملح عالجرح متل ما بيقولو ” انا طالب بكلوريا علمي و عالمنهاج الجديد 😥
    بقيان شهر للفحص و حاسس حالي مو دارس ولا بعرف شي

  10. قرف بقرف كله بصم ولي عليهن قال عللمي اي دراسه رياضيات صحي مي بصم بس بدك تحفظ طريقه لكل تمرين يعني شبه بصم

اترك رداً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s